Хаартыска: ааптар тиксэриитэ
Кулун тутар 16 күнүгэр Орто Амма нэһилиэгэ Кыайыы 80 сыллаах үбүлүөйүн, «Манчаары оонньууларын» көрсө «Түмсүү-төлкө төрдө» бэстибээл кэнсиэрин көрдөрдө.
Кэнсиэр, быыстапка, кырдьык даҕаны, үгүс киһини үмүрү тардан, түмсүү күүһүнэн үрдүк таһымҥа аастылар. Кэнсиэргэ оҕотуттан оҕонньоругар тиийэ кытыннылар. Быыстапкаҕа уһуйаан оҕотун үлэтиттэн саҕалаан, талааннаах дьоммут айан таһаарбыт дьоһуннаах үлэлэрэ тэниччи тардылынна. Дьүүллүүр сүбэ үрдүк сыанабылы биэрэн, олохтоохтор дохсун ытыс тыаһынан махтаннылар. Кэнсиэр үрдүк таһымҥа ааста. Ол курдук, кэскиллээх эдэр ыччат дьоммут олус үчүгэй үҥкүүлэри бэлэхтээтилэр, көрбүт эрэ барыта биһирээн, дохсун ытыс тыаһынан доҕуһуоллаатылар.
Дьүһүйүү Ржев куорат иһин охсуспут хааннаах сэрии кыттыылаахтартарыгар сүгүрүйүүнү арыйан көрдөрдө. Киэн туттар биир дойдулаахпыт, Ржев сэриитигэр олоҕун толук уурбут Колодезников Гаврил Терентьевич сырдык аатын кэриэстээһин олус долгутуулаах буолла. Уус-уран ааҕыыга нэһилиэк дьоһун эр дьоно, баһылык А.И.Кулачиков кыттыылаах Эллэй «Кыргыс бары кыаҕынан» хоһоонун ньиргиччи ааҕан, «туйгун» сыананы ыллылар. Оҕо ускуустубатын учууталлара, үөрэнээччилэрэ кэнсиэр төһүү күүһэ буолбуттарын махтанан туран, бэлиэтиир наада! Кэнсиэри, быыстапканы салайан тэрийбит баһылык солбуйааччыта Анна Ивановна Васильеваҕа, Сынньалаҥ киинин үлэһиттэрэ Туяра Ивановна Дайбанныроваҕа, Айаара Атосьевна Федороваҕа олохтоохтор ааттарыттан барҕа махталбытын тиэрдэбит! Айымньылаах үлэлэригэр өссө үрдүктэн үрдүк ситиһиилэри баҕарабыт! «Түмсүү-төлкө төрдө» бэстибээл бар дьону түмэн, сомоҕолоон, аҕа көлүөнэ албаннаах кыайыытын үүнэр көлүөнэҕэ өйдөтө-саната туруохтун, бары күүһү түмэн, «Манчаары оонньууларын» үрдүк таһымҥа ыытарга тирэх, көмө буолуохтун!
Валентина КРИВОШАПКИНА, Харбалаах
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…