Хаартыска: Туйаара Ушницкая тиксэриитэ
Дьокуускайга Гагарин аатынан култуура уонна искусство киинигэр аахсыйа-кэнсиэр буолла.
Биһиги төрөөбүт дойдубут, Түүлээх нэһилиэгин Бочуоттаах олохтооҕо, «Гражданскай килбиэн» бэлиэ хаһаайына, Арассыыйа суруналыыстарын сойууһун чилиэнэ, СӨ үөрэҕин ситимин бочуоттаах бэтэрээнэ, кыраайы үөрэтээччи Афанасий Кононович Алексеев 1996 сыллаахха бэчээккэ тахсыбыт «ЫТЫК ИЭС» кинигэтэ сотору кэминэн саҥалыы тыыннанан тахсар кыахтанна. Ол курдук, Алексеева Мария Афанасьевна-Арылы Дуйдаах урукку матырыйаалы аҕатын архыыбыттан эбэн, кэҥэтэн, Улуу Кыайыы 80 сылыгар анаан хаттаан таһаарарга бэлэмнээтэ. Манна Түүлээх нэһилиэгиттэн Ийэ дойду көмүскэлигэр уоттаах сэриигэ барбыт 132 буойуну сэргэ, күүстэрин харыстаабакка тыылга үлэлээбит нэһилиэкпит ытык дьоно, тыыл бэтэрээннэрэ уонна араас кыһалҕаны көрсүбүт сэрии кэмин оҕолорун хаартыскалара киирдилэр. Онон А.К. Алексеев Улуу Кыайыыга анаабыт «ЫТЫК ИЭС» кинигэтигэр эбэлэрбит, эһэлэрбит, ийэлэрбит, аҕаларбыт, урууларбыт-аймахтарбыт бойобуой суоллара, тыылга үлэлээбиттэр ааттара-суоллара историяҕа хаалыаҕа.
Кэнсиэргэ Дьокуускайга, Бороҕоҥҥо олорор биир дойдулаахтарбыт, Түүлээх нэһилиэгин ырыаһыттара көхтөөх кыттыыны ыллылар.
Күндү биир дойдулаахтарбытыгар кинигэ бэчээтин үбүлэниитигэр анаан ыытыллар аахсыйа-кэнсиэргэ кэлэн күүс-көмө, өйөбүл буолбуккутугар махталбытын тиэрдэбит.
Туяра Ушницкая,
Түүлээх нэһилиэгэ, Уус Алдан.
Хаартыска Т.Ушницкая тиксэриитэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…