Иван Иванов: “Түннүгүм анныгар – овцебык”

Аллайыаха олохтооҕо, айылҕа харыстабылын бэтэрээнэ Иван Иванов бэрт интэриэһинэй сонуну иһитиннэрдэ.

Ол курдук, былырыын “Кыталык” национальнай паарка киин кардонугар үс күнү быһа кини дьиэтин аттыттан овцебык арахпатах.

— Бу курдук күһүн атырдьах ыйыгар овцебыктар гоннарын саҕана улахан атыырдар кыра атыырдары үөрдэриттэн кыйдыыллар. Оччоҕуна кыйдаммыттар дьиэлээх-уоттаах сирдэри булаллар.  Бу мин дьиэм таһыттан арахпатаҕын курдук. Кэтээн көрдөхпүнэ тыастан-уустан куттаммат, нэһиилэ кыйданан барбыта. Онон күһүҥҥү өттүгэр сэрэхтээх кыыл. Чокуурдаахха хаста да киирэр турардаах. Ону экологиялар, полициялар, көннөрү дьон көмөлөөн, туундара диэки барарын курдук сэрэнэн үүрээччилэр. Дьиҥэ, биһиги, олохтоохтор, бу кыылларга харыстабыллаахтык сыһыаннаһабыт, — диэтэ Иван Васильевич.

Онон овцебыктар уонна бизоннар тустарынан “Быки холода. Возвращение” документальнай     киинэни көрүҥ. Овцебыктар тустарынан каадырдары Аллайыаха туундаратыгар устубаттар этэ.

Хаартыска: И.Иванов түһэриитэ