Түннүгүнэн киирэн малы уорбут

ИДьМ Дьокуускайдааҕы салаатын полиция 1-кы нүөмэрдээх отделыгар  куорат олохтооҕо чааһынай дьиэтиттэн 66 тыһ. солк. суумалаах баайын-дуолун уордарбытын туһунан  иһитиннэрбит.

Суһал-ирдиир үлэ кэмигэр  полиция үлэһиттэрэ  уорбаланааччыны туппуттар. Ол курдук баайы-дуолу  42 саастаах Үөһээ Бүлүүттэн төрүттээх киһи уорбут эбит.

Быһаарыллыбытынан, уорбаланааччы тутулла турар дьиэ таһыгар  тутуу богуона турарын бэлиэтии көрбүт. Маһынан түннүгү алдьатан богуоҥҥа киирбит.  Итиэннэ  рубаногы, электролобзигы уонна  шуруповерты уорбут.  Уорбут малын ломбардка туттарбыт уонна харчытын тус наадатыгар туһаммыт.

Билигин эр киһиэхэ РФ Холуобунай кодексын 158 ыст. 2 ч. («Уоруу») холуобунай дьыала көбүтүлүннэ диэн Дьокуускайдааҕы ИДьМ управлениета иһитиннэрдэ.