Хаартыска: ЯСИА
Өлүөнэ өрүһү туоруур муоста тутуллар сиригэр тутуу үлэтэ хайдах баран иһэрин тырааныспар уонна суол хаһаайыстыбатын миниистирэ Владимир Сивцев билистэ. Бэрэбиэркэ кэмигэр ыытыллар үлэ тэтимин, хаачыстыбатын үрдүктүк сыаналаата диэн ЯСИА суруйар.
«Бүгүн биһиги өрүс икки өттүгэр күүстээх үлэни көрөбүт, онно үлэ бары түһүмэхтэрэ биир кэмҥэ ыытыллаллар – муоста киин пилонугар иккис коффердамы хомуйуу, «Лена» федеральнай суолтан муостаҕа диэри уҥа кытылга киириини буорунан кутуу, уҥа биэрэк эстакадатын акылаатыгар сири хаһыы үлэтэ саҕаланна», — диэн миниистир бэлиэтээтэ.
Хаҥас кытылга коффердамнары ууга түһэрэр сиргэ тимир-бетон конструкциялар оҥоһуллаллар, маны тэҥэ миэстэтигэр тимир-бетон билиитэлэри оҥорон таһаарыы тэриллибитэ. Кэлин сыбаайалары туруорарга арматура каркааһын хомуйаллар. Хаҥас кытыл эстакадатын бастакы тирэҕин сыбаайалаах сирэ ыйааһынын уйар кыаҕа лабораторнай чинчийиилэринэн бигэргэммит.
Уҥа кытылга киирэр суоллары оҥорууга күүс-уох ууруллар. А-360 «Лена» федеральнай трассаттан технологическай киирэр сир оҥоһулунна. Тирэхтэр акылааттарын тохтоло суох бетоннааһыҥҥа уонна кутууга наадалаах техническэй базаны оҥоруу бара турар.
Эбийиэк уопсай техническэй бэлэмэ уонна хаачыстыбаны хонтуруоллааһын «РОСДОРНИИ» федеральнай автономнай тэрилтэ уонна «Ростехнадзор» Ленатааҕы управлениетын судаарыстыбаннай хонтуруолугар улахан болҕомтоҕо сылдьаллар. Тутуу хас биирдии түһүмэҕэ болҕомтолоохтук бэрэбиэркэлэнэр, оҥоһуллубут инженернэй тутул үрдүк таһымнаах, эрэллээх уонна куттала суох буолуутун хааччыйар.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…