Муус устар 15 күнүттэн муус суола уонна өрөспүүбүлүкэ киин оройуоннарын кыһыҥҥы массыына суоллара сабыллыахтара уонна бу суолларынан айаннааһын тырааныспар бары көрүҥнэригэр тохтотуллуоҕа.
Арктика уонна хоту оройуоннарга мууһунан сырыы муус устар 20-25 күннэригэр сабыллыахтара диэн Саха сирин тырааныспарка уонна суол хаһаайыстыбатыгар министиэристибэтэ иһитиннэрэр.
Бу күннэргэ диэри таһаҕаһы тиэйии уйугун сыыйа аччаталлар.
Ол курдук, муус устар 3 күнүттэн Өлүөнэҕэ “Дьокуускай-Аллараа Бэстээх” туһаайытынан уонна Алдан өрүскэ, ону тэҥэ Бүлүү өрүһү туорааһыҥҥа 30 туоннаны аһарар уйуктаах массыыналар сырыылара бобуллар. Оттон муус устар 10 күнүттэн бу туорааһыннарга таһаҕас уйуга 20 туоннаҕа диэри аччатыллыаҕа.
Билигин бары кыһыҥҥы суолларга хаары ыраастыыллар, аасыһар сирдэргэ хаары хаптаталлар, түһүүгэ уонна тахсыыга халтарааны утары үлэни ыыталлар.
Суолга куттал суох буолуутун уонна мууһунан туоратар сирдэр бигэ туруктаах буолалларын хааччыйар туһуттан Саха сирин Тырааныспарка министиэристибэтэ көҥүллэнэр таһаҕас уйугун уонна туруоруллубут суол бэлиэлэрин тутуһаргытыгар сүбэлиир.
Өрүһүнэн айаннааһыҥҥа таһаҕас уйугун аччатыы болдьоҕо күн-дьыл туругуттан көрөн чопчуланыаҕа.
СӨ Ил Дарханын уонна Бырабыыталыстыбатын пресс-сулууспата
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…