Хаартыска: sakha.gov.ru
Байыаннай дьайыы кыттыылааҕа, Арассыыйа Дьоруойа, «Хорсун буолуу» үс уордьан кавалера, биир дойдулаахпыт Дмитрий Куценко дойду Бэрэсидьиэнэ Владимир Путин көҕүлээбит байыаннай дьайыы кыттыылаахтарыгар аналлаах «Дьоруойдар кэмнэрэ» бырайыак иккис түһүмэҕин 85 кыттыылааҕын ахсааныгар киирэр.
Бу күннэргэ Дмитрий Куценко СӨ Тырааныспарга уонна суол хаһаайыстыбатыгар министиэристибэтигэр стажировканы ааста. Стажировка өрөспүүбүлүкэтээҕи Тырааныспар министиэристибэтин аппараатын кэлэктиибин кытта көрсүһүүттэн саҕаланна. Кинилэр ыалдьыты өрө көтөҕүллүүлээхтик көрүстүлэр уонна бойобуой хорсун быһыытын, Ийэ дойдубут интэриэһин көмүскүүр сулууспатын иһин махтаннылар.
«Арассыыйа Дьоруойа биһиэхэ стажировкаланара улахан чиэс. Ийэ дойдуну көмүскээһин тиэмэтэ биһиэхэ олус чугас уонна долгутуулаах. Биһиги биир департамеммыт салайааччыта Арассыыйа Сэбилэниилээх күүстэригэр мобилизацияламмыта уонна билиҥҥи кэмҥэ байыаннай дьайыы кыттыылааҕын быһыытынан сулууспалыы сылдьарын бэлиэтиэхпин баҕарабын. Ону таһынан, салаа элбэх үлэһитэ байыаннай дьайыыга сулууспалыы сылдьаллар», — диэн СӨ Тырааныспарга уонна суол хаһаайыстыбатыгар миниистирэ Владимир Сивцев эттэ.
Стажировка сүрүн чааһынан Дмитрий Куценко өрөспүүбүлүкэ суол-тырааныспар комплексын тэрилтэлэригэр үлэтэ буолла. Билсэр сырыыларын чэрчитинэн салайааччылары кытта көрсөн, тэрилтэлэр үлэлэрин сүрүн хаамыытын үөрэттэ, үлэҕэ-хамнаска сыһыаннаах тутаах боппуруостары дьүүллэстэ. Дьокуускай куоракка стажер Саха сиринээҕи Суолларын управлениетыгар, «Арктика суоллара» тэрилтэҕэ, Гостехнадзорга сырытта. Ону таһынан, киэҥ хабааннаахтык саҥардыллан оҥоһулла турар суол эбийиэгин — Сэбиэскэй Аармыйа 50 сыла уулуссатын көрдө.
Өрүс пуордугар пассажирдары уонна таһаҕаһы таһыы хайдах тэриллибитин, ону тэҥэ Дьокуускай уонна Аллараа Бэстээх икки ардыларынааҕы паром сырыыта хайдах тэриллибитин миэстэтигэр тиийэн билистэ. Стажировка түмүктүүр түһүмэҕинэн федеральнай суолталаах эбийиэктэргэ — Жатайдааҕы судоверфкэ уонна Өлүөнэ күргэтин тутуутун былаһааккатыгар сылдьыы буолла.
Дойду сирин-уотун аҥаарыттан тахса өттүгэр сайыҥҥы күн-дьыл туруоҕа, салгын температурата нуорматтан үрдүк буолара күүтүллэр. Бу…
СӨ Дьокуускайдааҕы куорат суута РФ Холуобунай кодексатын 160-с ыстатыйатын 3-с чааһынан (сулууспалыыр балаһыанньатын туһанан бэйэҕэ…
"Детдомҥа барыахпын баҕарбыппын" диэн ытыы-ытыы саҥарар уолчаан видеота өрөспүүбүлүкэни тилийэ көттө. Онно оҕо саҥатыгар иһиллэринэн,…
Норуот фронунан байыаннай миэдиктэргэ анаан тус сыаллаах үп-харчы хомуйуута быйыл иккис сылын туолар. Бу кэм…
Дойдуга коронавирус саҥа «Стратус» көрүҥүнэн сүһүрүү түбэлтэтин ахсаана элбээн иһэр, билиҥҥи туругунан 384 киһи сыстыбыта…
Хатас сэлиэнньэтигэр суол быраабылатын кэһиини бэлиэтиир стационарнай комплекс үлэҕэ киирдэ. Бу туһунан Саха сиринээҕи Суолларын…