Тырааныспар нолуогун чэпчэтиилэригэр туох уларыйыы киирдэ?

Арассыыйа ФНС Саха Өрөспүүбүлүкэтигэр управлениета 2023 сыл тохсунньу 1 күнүттэн 150 ат күүстээх мотуордаах уонна 1990 сылга диэри оҥоһуллубут кыра (легковой) массыыналары, матасыыкыллары уонна мотороллердары бас билэр физическэй сирэйдэргэ тырааныспар нолуогар чэпчэтии тохтотуллубутун туһунан иһитиннэрэр.

Онон тырааныспар бу ыйыллыбыт көрүҥнэригэр 2023 сылга нолуогу ааҕыы уопсай төрүккэ олоҕуран чэпчэтиини аахпакка туран уонна “Саха Өрөспүүбүлүкэтин нолуок бэлиитикэтин туһунан” СӨ Сокуонунан уонна РФ Нолуокка кодексынан көрүллүбүт бэрээдэгинэн оҥоһуллар.

Физическэй сирэйдэри тырааныспар нолуогун төлөөччүлэринэн билинии тырааныспары судаарыстыбаннай өттүнэн регистрациялыыр (ГИБДД) уорганнартан нолуок уорганнарыгар киирэр сибидиэнньэлэргэ олоҕуран оҥоһуллар.

Онон тырааныспардаах буоллуҥ даҕаны тырааныспар нолуогун төлүүгүн.

Тырааныспаргын учуоттан уһулар эрэ түгэҥҥэр нолуоктан босхолоноҕун. Нолулогу тутууну тохтотууга мантан атын төрүөт суох (уоран күрэтии, бас билээччи өлбүтүнэн, тырааныспар суох оҥоһуллубут буоллаҕына биитэр нолуокка чэпчэтии көрүллүбүт түгэннэриттэн уратыларга).

2018 с. 03.08 күнүнээҕи “Арассыыйа Федерациятыгар тырааныспары судаарыстыбаннай регистрациялааһын туһунан” 282-ФС 19 ыст. 1 ч. олоҕуран тырааныспарыҥ суох буоллаҕына бас билээччи сайабылыанньатынан учуоттан уһуллар.

 Арассыыйа ФНС Саха Өрөспүүбүлүкэтигэр управлениетын пресс-сулууспата