Тырааныспар нүөмэрин кистээбиттэр 1,5 сылга диэри уруулга олорор бырааптара быһыллыа

Дойду Бэрэсидьиэнэ Владимир Путин тырааныспар нүөмэрин кистиир мэхэньииһимнэри туһаммыт суоппардар уруулга олорор бырааптарын быһар туһунан федеральнай сокуоҥҥа илии баттаата,

Ол курдук, саҥа сокуонунан тырааныспар нүөмэрин кистиир эбэтэр уларытар анал тэрили туһаныы иһин биир сылтан балтараа сылга диэри болдьоххо уруулга олорор бырааптарын быһыы көрүллэр. Эмиэ маннык болдьоххо хаттаан тырааныспар нүөмэрин кистээбиттэргэ уонна анал тэрили туһаммыттарга уруулга олорор быраабтара быһыллар.

Бу иннинэ кирдээх, көстүбэт нүөмэрдээх тырааныспарынан айанныыр суоппарга сэрэтии көрүллэрэ эбэтэр 500 солк. кээмэйдээх ыстараап түһэриллэрэ. Оттон нүөмэрэ суох айаннаабыт суоппардары биир ыйтан үс ыйга диэри болдьоххо уруулга олорор быраабтарын быһаллара эбэтэр биэс тыһыынча солкуобайга диэри ыстарааптыыллара. Оттон сымыйа нүөмэрдээх тырааныспар суоппарыгар 2,5 тыһыынча солкуобай ыстараап көрүллэрэ.