Саха сиригэр тырааныспар уонна энэргиэтикэ инфраструктуратын сайыннарыыны түргэтэтии өрөспүүбүлүкэ үгүс сылларга эрэллээхтик сайдарыгар кыаҕа биэриэ. Бу хайысханы саҥардыыга кырата 600 млрд солк. угуллуо диэн Ил Дархан Айсен Николаев быһа эпииргэ эттэ.
«Бастаан көрдөххө бу суума олус улахан курдук, ол гынан баран энэргиэтикэҕэ бүгүҥҥү күҥҥэ олоххо киирэр бырайыактар: Новоленскай ТЭС, Нерюнгритээҕи ГРЭС уонна ону кэҥэтии, Дьокуускайдааҕы ГРЭС-2, Ленскэй күргэтин тутуу бу 600 млрд солк. быдан улахан буолуохтара. Мин бу бырагыраамалары олоххо киллэриэхпит диэн эрэллээхпин. Бу биһиги сүрүн сорукпутун быһаарарбытыгар кыаҕы биэриэҕэ», — диэтэ Ил Дархан.
Айсен Николаев эппитинэн, тырааныспар инфраструктурата сайдыытынан суол тутуутун уонна саҥардан оҥоруутун буолбакка, уу флотун, аэропуортары саҥардыыны, саҥа уот ыстаансыйалара тутуллуутун уо.д.а. саныахтаахпыт.
«Ол аата булкаас энергокомплекстар баар буолуулара. Күн уотунан уонна тыалынан барар уот ыстаансыйалара дизели кытары бииргэ үлэлииллэр, ол 30% диэри экономияны биэриэ. Бу Арктикаҕа оттугу тириэрдии ороскуотун аахтахха, олус улахан экономия буолар. Ханнык баҕарар салааҕа экономиялааһын биһиги ороскуоппутун кыччатыа – бүгүн бу суума 40 млрд солк. тиийэр», — диэтэ Айсен Николаев.
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…