Тырахтарыыс 15 тыһ.солк. интэриниэтинэн суоппар быраабын атыыласпыт

Дьокуускай куорат Марха түөлбэтин Тальниковай уулуссатыгар Госавтоинспекция үлэһиттэрэ сулууспа кэмигэр «Беларусь» тыраахтары бэрэбиэркэлээри тохтоппуттар. 29 саастаах тырахтарыыс уол дастабырыанньата сымыйа бэлиэлэрдээҕин булбуттар диэн СӨ ИДьМ пресс-сулууспата иһитиннэрэр.

Үлэһиттэр тустаах боротокуолу толорбуттар, сымыйа докумуону ылан силиэстийэҕэ тиэрдибиттэр. Оттон тыраахтары стоянкаҕа туруорбуттар.

Суоппар эппитинэн, кини бу дастабырыанньаны 2015 сыллаахха 15 тыһ.солк. интэриниэттэн атыылаһан ылбыт.

Холуобунай дьыала тэрилиннэ.