Тырахтарыыс уокка оҕустаран, өллө

От ыйын 16 күнүгэр Амма улууһун Болугур нэһилиэгэр тырахтарыыс уокка оҕустаран, суорума суолланна диэн СӨ борокуратуурата иһитиннэрэр. 

55 саастаах эр киһи тыраахтарынан үлэлии сылдьан, элэктэриичэстибэ лииньийэтин таарыйбыт. Күүстээх уокка оҕустаран, сонно тута өлбүт.

Дьиэҕэ-уокка, даачаҕа, сиргэ үлэлии, сынньана сылдьан, уоттан сэрэхтээх буоларга энэргиэтиктэр ыҥыраллар. Элэктэриичэстибэ лииньийэтэ, ыстаансыйата баар сиригэр үлэҕэ куттала суох буолуу быраабылаларын булгуччу тутуһулларын ирдииллэр.