Тырахтарыыстардаах буоламмыт

Амма улууһун Соморсун нэһилиэгэр  үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.

Сайыннары-кыһыннары сынньанар диэни билбэккэ, оту оттоон, мас, муус таһан, дэриэбинэ ыалларын сүрүн кыһалҕаларын быһаараллар, субуотунньукка кытталлар.

Үлэһит, түргэн, сыыдам хамсаныылаах улууска биллэр уолаттарбытынан киэн туттабыт.

Онтон биирдэстэрэ түөрт оҕолоох, икки сиэннээх ыал аҕата, 27 сыл ыстаастаах тырахтарыыс Борисов Семен Семёнович. Семен Борисов уонна пиэрмэр Тарабукин Виталий Артемович “Соморсун” ТХПК хаһаайыстыбатыгар сир хорутан, бурдук ысыһан, хомуурга күүстээхтик үлэлээн, хаһаайыстыбаҕа сүдү күүс буолааччылар.

От үлэтигэр маҥнайгынан киирэн, былаан толоруутугар күүстээхтик оттууллар. Бу уолаттар Чечня сэриитин кыттыылаахтара, бэтэрээннэрэ буолаллар. Амма улууһугар икки сылга биирдэ ыытыллар Архипов Н. А. аатынан Механизатор күрэҕэр кинилэр хамаандалара өрүүтүн бастыҥнар кэккэлэригэр киирэр. Үлэһит, түргэн, сыыдам хамсаныылаах улууска биллэр уолаттарбытынан киэн туттабыт.

Нюргуяна Протопопова,

Соморсун дьаһалтатын тыа хаһаайыстыбатын исписэлииһэ.

Хаартысканы Н. Протопопова ыытта.

БАЛАҺАНЫ ЖЕННИ СТРЮКОВА БЭЛЭМНЭЭТЭ.