Салгыы
Түргэнник ситэр салаа: бастакы пиэрмэлэр дьиэ көтөрүн хото атыылыыллар

Түргэнник ситэр салаа: бастакы пиэрмэлэр дьиэ көтөрүн хото атыылыыллар

13.03.2023, 20:38
Хаартыска -- СӨ Тыа хаһаайыстыбатын министиэристибэтин пресс-сулууспата
Бөлөххө киир:
Быйылгы ситэриилээх былаас отчуоттарыгар өрөспүүбүлүкэ үгүс улуустарыгар түргэнник ситэр салааҕа сыһыаннаах үгүс боппуруос киирбитэ.
Онон бу иһитиннэрии тыа сирин олохтоохторун интэриэһиргэтэрэ чахчы.
Ил Дархан Айсен Николаев өрөспүүбүлүкэ бэйэтин бэйэтэ аһынан-үөлүнэн хааччыйара наадатын туһунан соругу туруорбута. Кини тыа сирин олохтоохторун өйүүргэ туһуламмыт чэпчэтиилэри олохтуур наадатын ыйбыта, — диэн бэлиэтээбитэ СӨ бырабыыталыстыбатын бэрэссэдээтэлэ Андрей Тарасенко.
Түргэнник ситэр салааҕа көрүллүбүт анал чэпчэтиини туһанан, Амма улууһун Чапчылҕаныгар  уонна Бүлүү Кыадаҥдатыгар  дьиэ кэргэн пиэрмэлэрин тэрийэн үлэлэтэн эрэллэр. Быйыл кулун тутар саҥатыгар Кыадаҥда олохтоохторо  Ивановтар дьиэ кэргэттэрэ «Элбэх үлэни оҥорор көтөр пиэрмэтэ» саҥа өрөспүүбүлүкэтээҕи бырагыраама чэрчитинэн көтөрү иитиигэ туһуламмыт аныгы тэрили  атыылаһар чэпчэтиинэн туһаммыттара. Ыал ийэтэ Мария Иванова этэринэн, өссө 2017 сыллаахха көтөр иитэр сыалтан ырыынагы үөрэппиттэр. Икки сыллааҕыта 60-тан тахса төбө көтөрү ииппит буоллахтарына, саҥа пиэрмэни тэрийээт, 500 төбөҕө тиийэ тиэрдибиттэр. Билигин Ивановтар пиэрмэлэригэр кус, хаас, индюк, куурусса ииттэллэр. Сымыыттарын номнуо атыылаан эрэллэр.
Аммаҕа Тимофей Григорьев тэрийбит «Мэҥкэр» пиэрмэтигэр кууруссаттан ураты хаастары уонна кустары иитэллэр. Судаарыстыба чэпчэтиитинэн туһанан, төрдүс сылларын тахсыылаахтык үлэлииллэр. Былырыын пиэрмэ 900 хааһы, куһу, перепелканы уонна кууруссаны ииппит. «Мэҥкэргэ» көтөрү таһынан ынах сүөһүнү, сылгыны, козаны иитэллэр. Пиэрмэни  2,9 мөлүйүөн солкуобай суумалаах «Агростартап» гранын үбүнэн туппуттар.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 16°C
  • Ощущается: 14°Влажность: 25% Скорость ветра: 3 м/с

Сообщить об опечатке

Текст, который будет отправлен нашим редакторам: