Лена Заровняева хаартыскаҕа түһэриитэ
Уус Алдан улууһугар Хоноҕордооҕу «Түһүлгэ» сынньалаҥ киинигэр «Тырымныы сыдьаайар холумтан угуйар» кэрэхсэбиллээх күн буолан ааста.
Кулууп үлэһиттэрин көҕүлээһиннэринэн уонна олохтоох дьаһалта өйөбүлүнэн Дьиэ кэргэн аллеята үөрүүлээх быһыыга арылынна. Аллеяҕа Хоноҕор бөһүөлэгин сайдыытыгар боччумнаах кылааттарын киллэрбит В.А. Абрамова, Л.В. Пермякова, Дьоруой Ийэ П.Н.Барашкова ааттарын үйэтитэр өйдөбүнньүк ыскамыайкалары оҕолоро туруордулар.
«Өбүгэ ситимэ» урукку кэмнэрдээҕи мал-сал быыстапката мустубут дьон болҕомтотун тарта. Кэрэхсэбиллээх киэһэни түһүлгэ оһуохайа ситэрэн-хоторон биэрдэ. Оһуохайы сынньалаҥ киинин уус-уран салайааччыта В.С. Бубякина таһаарда.
«Мин дьолум, тапталым — барыта манна баар…» бырааһынньыктааҕы кэнсиэри бары сөбүлээн истэр, кэрэхсээн көрөр бэтэрээннэрбит, «Илгэ» фольклор ансаамбыла саҕалаата (сал. А.М. Максимова).
Кэнсиэргэ нэһилиэкпит кэрэ куоластаах ырыаһыттара: Лена Заровняева, Татьяна, Филипп Габышевтар, Ирина Осипова, «Ситим», «Сарыада» үҥкүү бөлөхтөрө, «Тэбэнэттэр» көр-күлүү бөлөҕө кыттыыны ыллылар. Уус Алданнааҕы тиэхиньикум устудьуоннара ылбаҕай ырыаларын, нарын-намчы үҥкүүлэрин анаатылар.
Раиса Черкашина,
Суотту, Уус Алдан.
Лена Заровняева хаартыскаларга түһэриитэ
От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…