Тываҕа уонна Хакасияҕа уус-уран киинэни усталлар

«Урянхайцы» киинэ Тыва, Хакасия, Алтай уонна Саха сирин норуоттарын аныгы устуоруйаларын кэпсиир.

Устуу үлэтин  Хакасия Өрөспүүбүлүкэтин Алтай оройуонуттан уонна Тыва Өрөспүүбүлүкэтин Чаа-Хольскай кожуунтан саҕалаатылар. Түмүктүүр устуулар Саха Өрөспүүбүлүкэтин сиригэр-уотугар буолуохтара.

Сүрүн оруоллары Алтай артыыстара Айат Канысов, Анат Быдышев, Тыва артыыстара Уран Монгуш, Алексей Ховалыг уонна Саха сирин артыыстара  Василий Слепцов уонна  Лена Полушкина оонньууллар.

Киинэ бырааттыы норуоттары ситимниир биир тиэмэтинэн кыһын уонна дьиэ кэргэн буолаллар. Ол эбэтэр Тыва, Саха сирэ уонна Алтай кыһыннара норуоттары  сомоҕолуур. Дьиэ кэргэттэр устуоруйаларын кэпсиир киинэ барыллаан  «Ада» (Отец), «Эне» (Мать), «Кыыс» (Дочь) диэн ааттаахтар.

Киинэ 2026 сылга быракаакка тахсыаҕа.