Түүл туһунан чахчылар

Түүл туһунан тугу билэбитий?

• Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.
• Уһуктан баран 5 мүнүүтэнэн түүлүн аҥаарын умнар — 10 мүнүүтэнэн 90 %-нын умнар.
• Киһини, түргэн түүл фазатыгар сыттаҕына, уһугуннардаххына — түүлүн сиһилии өйдүүр буолар.
• Утуйа сытар киһи этэ-сиинэ баралыыстанар — түүлүгэр оҥорор хамсаныыларын хатылаабатын диэн.
• Эр киһи уонна дьахтар аймах тус-туспа түүлү көрөллөр. Эр киһи түүлүгэр көрөр дьоно 70%-на  эр киһи буолар, дьахтар киэнэ — тэҥ-тэҥҥэ.
• Төрөөбүттэрин кэннэ  көрбөт буолбут дьон түүллэригэр өҥнөөх хартыыналары көрөллөр. Көрбөт буолан төрөөбүт киһи — кыайан оннугу көрбөт. Ол гынан баран, кини атын (истэри, сыты билиини, бигээһини уонна иэйиини кытта сибээстээх) уобарастары көрөр.

Саха ыалын халандаарыттан, «Айар» («Бичик»), 2016 с.