Хаартыска: sakha.gov.ru
Горнай улууһун Мытаах сэлиэнньэтин олохтооҕо, тыыл уонна үлэ бэтэрээнэ Варвара Тимофеева 100 сааһынан үбүлүөйүн бэлиэтээтэ. Кинини улуус баһылыгын бастакы солбуйааччыта Сардаана Стручкова, социальнай өҥө комплекснай киинин дириэктэрэ Сандаара Заровняева уонна Мытаах нэһилиэгин баһылыга Иван Петров эҕэрдэлээтилэр.
СӨ Ил Дарханын Айсен Николаев аатыттан Варвара Тимофееваҕа эҕэрдэни уонна «Үйэ саас» бочуоттаах бэлиэтин туттардылар, онно 1 мөл. солкуобай суумалаах төлөбүр сыһыарыллар. Үбүлүөйдээх болҕомтолорун уонна өйөбүллэрин иһин махталын биллэрдэ, ону таһынан мустубут дьоҥҥо сөбүлүүр ырыатын толорон иһитиннэрдэ.
Варвара Ивановна 1926 сыллаахха тохсунньу 13 күнүгэр Мытаах нэһилиэгэр төрөөбүтэ. 1943 сыллаахха сэттэ кылаастаах оскуоланы бүтэрэн, 1944 сыллаахха үлэтин-хамнаһын саҕалаабыта. Кини түһээн агенынан, балыыһаҕа санитарканан, оҕо дьиэтигэр пуобарынан, маҕаһыыҥҥа атыыһытынан, арыы сыаҕар, олохтоох оскуолаҕа завхоһунан үлэлээбитэ. Сэттэ оҕону иитэн таһаарбыта, билигин кинини элбэх сиэннэрэ уонна хос сиэннэрэ үөрдэллэр. Варвара Ивановна эдэриттэн иистэнэринэн дьарыктанар. 2020 сыллаахха кини үлэлэрэ «Үлэнэн уруйдан, олоҥхо дойдута» улуустааҕы бэстибээлгэ, ону таһынан «Уруйдан Улуу Кыайыы» уонна «Кыайыы үөрүүтэ» өрөспүүбүлүкэтээҕи куонкурустарга бириистээх миэстэлэри ылбыттара.
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…
Өрөспүүбүлүкэ борокуруора Сергей Дябкин сорудаҕынан Нерюнгри куорат борокуратуурата «Якутуголь» ХК АУ «Нерюнгринская» байытар фабрикатын бэлэм…
Саха сиринээҕи Быыһыыр сулууспатын Ньурбатааҕы көрдүүр-быыһыыр этэрээтин быыһааччылара, ИДьМ үлэһиттэрэ уонна олохтоохтор сүппүт дьахтары көрдөөһүнү…