Хаартыска: үлэ, социальнай сайдыы министиэристибэтэ.
Тыыл, үлэ бэтэрээнэ, САССР үтүөлээх учуутала, РСФСР норуотун үөрэҕириитин туйгуна Слепцова Клавдия Николаевна тохсунньу 25 күнүгэр 101 сааһын туолла.
Клавдия Николаевна 1924 сыл тохсунньу 25 күнүгэр Тамбовскай губерния Беднодемьянскай куоратыгар төрөөбүтэ. Оскуолаҕа үөрэнэ сылдьан, 1941 сыллаахха оборуона үлэтигэр мобилизацияламмыта.
1943 сыллаахха Горьковскай педагогическай институкка үөрэнэ киирбитэ. Үөрэҕин бүтэрэн баран, Саха АССР Дьокуускайдааҕы педагогическай училищеҕа анаммыта. Бу сэрии кэннинээҕи ыарахан кэмнэртэн кини 40-тан тахса сыл устата халбаҥнаабакка, педучилищеҕа үлэлээбитэ, уонунан көлүөнэ устудьуоннары үөрэппитэ.
Саха сирин кини иккис дойду оҥостон, олоҕун аргыһын — училище преподавателин Григорий Слепцовы көрсөн, 1949 сыллаахха ыал буолбуттара. 30-тан тахса сыл таптаһан, иллээхтик олорбуттара.
Билигин Клавдия Николаевна Өрөспүүбүлүкэтээҕи кырдьаҕастар, инбэлииттэр интэринээт-дьиэлэрин «Милосердие» отделениетыгар олорор. Төрөөбүт күнүгэр кинини аймахтара, С.Ф. Гоголев аатынан педагогическай колледж устудьуоннара, үлэ, социальнай сайдыы министиэристибэтин үлэһиттэрэ кэлэн, эҕэрдэлээтилэр.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…