Хаартыска: ааптар түһэриитэ.
Уус Алдан улууһугар ситэриилээх былаас отчуотугар сылдьан, дьоҕус нэһилиэктэргэ оскуола, уһуйаан тутуута сытыытык турарын бэлиэтии көрдүм.
Түүлээх нэһилиэгэр тиийбиппитигэр, дириэктэр Владимир Бочкарев оскуолата хайдах туруктааҕын анаан-минээн илдьэн көрдөрдө. Оскуола икки Кыһыл Знамя, үс Кыһыл Сулус уордьан кавалера Д.Д. Оллонов аатын сүгэр. Хаарыан улахан тутуулаах оскуола истиэнэтэ быйыл эмиэ хас да сиринэн хайа барбыт. Биир “крылота” олох күүскэ хамсаабыт, хайдыыта хайыы-үйэ атан эрэр диэххэ сөп. Былырыын оскуола үрүт өттө өрөмүөннэммит, ол гынан баран истиэнэтин туруга мөлтөх буолан син биир тымныйар эбит.
“Эргэ оскуола оннугар 1978 сыллаахха типовой оскуола тутуллубут. Ол оскуоланы саахалланар кутталлааҕын иһин 2000 сыллаахха көтүрэн баран, 2003 с. базальт истиэнэлээх экспериментальнай оскуоланы туппуттар, — диир дириэктэр. — 2015 с. хапытаалынай өрөмүөн буолбута, онно базальтын уларытан биэрбиттэригэр сылыйбыта. Иллэрээ сылтан эмиэ тымныйан барда. Ленточнай фундамена хамсаан, базальта сахсайар, тымныы ол быыһынан өтөн киирэр. Иһирдьэ туалет оҥороору, бастаан утаа носуос туруорбуппут. Сылаас кэмҥэ үчүгэй баҕайытык үлэлиир, онтон тымныйаатын кытта хайа барбыта. Бу өттүгэр тымныыта булуус курдук. Спортивнай саалабыт эмиэ тымныы, физкултуура уруогар оҕолор халыҥ таҥастаах сылдьаллар. Онон аны истиэнэтигэр, муостатыгар хапытаалынай өрөмүөн ыытылларын туруорсабыт”.
Владимир Владимирович үөрэҕин бүтэрэн баран, 2007 сыллаахха манна ананан кэлбит. 2019 сыллаахтан дириэктэринэн үлэлиир. Анаммыт сылыгар үлэһиттэр бэйэлэрин күүстэринэн сылаас туалеты, салгыы икки боксалаах гарааһы, оскуола куукунатын тутан кэбиспиттэр. Оскуолаҕа 51 оҕо үөрэнэр, сүрүнэ, каадырга кыһалҕа суох эбит.
Отчуот кэмигэр нэһилиэк дьоно эмиэ оскуола өрөмүөнэ хаһан буоларын туоһуластылар. Экспериментальнай диэн ааттаах да, тутуллубутун тухары ким да кэлэн эксперимент хайдах бара турарын кэтээн көрбөтө диэн муҥатыйдылар. Тымныы оскуолаҕа үөрэнэр оҕолордоох дьон оччону этиэхтэрэ суоҕа дуо? Оҕо доруобуйата бастакы уочаракка туруохтаах этэ буоллаҕа.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…