Тыымпыга элбэх хайысхалаах култуура киинэ дьэндэйиэ

«Култуура» национальнай бырайыак иитинэн, Бүлүү улууһугар Тыымпыга  элбэх хайысханы толорор култуура киинин тутан үлэҕэ киллэриэхтэрэ.

Билигин онно истиэнэтин, муостатын ситэрэллэр-хотороллор, түннүктэрин туруораллар, о.д.а. элбэх үлэ салҕанар. Матырыйаал барыта тиэрдиллибит. Эбийиэккэ 15 киһи үлэлиир.

Бүгүҥҥү иһитиннэриинэн эбийиэк 52% бэлэм. Киини былаан быһыытынан 2023 сыл бүтүүтүгэр үлэҕэ киллэриэхтээхтэр.

Өрөспүүбүлүкэҕэ быйыл национальнай бырайыагынан 150 миэстэлээх култуура дьиэтин өссө Сунтаар улууһугар Кэмпэндээйигэ тутуохтаахтар. Маны сэргэ, эмиэ национальнай бырйыагынан тутулла турар икки эбийиэк 2024 сылга түмүктэнэн үлэҕэ киириэхтээх. Бу Чурапчы улууһугар Толооҥҥо култуура дьиэтэ уонна Мэҥэ Хаҥалас улууһугар Аллараа Бэстээххэ култуура киинэ.

СӨ Ил Дархан уонна Бырабыыталыстыба пресс-сулууспата