Хаартыска култуура министиэристибэтин саайтыттан
Бүлүү улууһугар Тыымпыга саҥа култуура киинэ үлэҕэ киирдэ.
Бу РФ Бэрэсидьиэнэ Владимир Путин көҕүлээбит «Култуура» национальнай бырайыагынан тутулунна. Уопсайа 800 кв.м. иэннээх дьиэ тутуута 2022 сыл кулун тутартан саҕаламмыт. Бу туһунан СӨ култуура министиэристибэтин саайтыгар суруйаллар.
Саҥа тутуу аныгы үйэ тэрилинэн хааччыллыбыт. Манна 150 киһи олорор саалалаах, үҥкүү саалата, артыыстар хосторо барыта миэбэлинэн, тэрилинэн хааччыллыбыт. Элбэх хайысханы толорор кииҥҥэ бибилэтиэкэ уонна түмэл (музей) киирбиттэр. Манна Иннокентий Афанасьевич Боронов бюһа туруоруллубут. Култуура дьиэтэ кини аатын сүгэр.
Тыымпы ырыаһыттарынан, артыыстарынан аатырар-сураҕырар. Ол курдук, Алексей Егоров, Аскалон Павлов, Василий Еремеев, Павел Семенов, Степан Семенов, Майя Сергина, Алексей Егоров – Өркөн, Альберт Унаров, Луиза Павлова, Михаил Борисов, Иван Константинов, «Дьүрүскэн» эр дьон ансаамбылынан, уо.д.а. ааттарынан киэн тутталлар.
Манна даҕатан эттэххэ, национальнай бырайыагынан өссө култуура үс эбийиэгэ Чурапчыга Толооҥҥо, Сунтаарга Кириэстээххэ, Мэҥэ Хаҥаласка Аллараа Бэстээххэ 2024 сылга үлэҕэ киллэриллиэхтээхтэр. Бу туһунан СӨ култуура министиэристибэтин пресс-сулууспата иһитиннэрэр.
Хаартыскалар култуура министиэристибэтин саайтыттан
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Уйбаан СИЛИГИ «Уйбаачааннар бултуйбуттар!» кэпсээнин…
Арассыыйа Суруйааччыларын сойууһун чилиэнэ, СӨ култууратын үтүөлээх үлэһитэ Саргылаана Гольдерова-Саргы Куо саха суругунан литэрэтиирэтин 125…
Бэҕэһээ "Биир ньыгыл Арассыыйа" баартыйа уопсастыбаннай өйөбүлүн ыстаабыгар "Биир ньыгыл Арассыыйа" баартыйа "Урбаан" федеральнай бырайыагын…
СӨ Борокуратуурата оҕолор бассейнҥа химическэй сиэтиини (химический ожог) ылыыларынан бэрэбиэркэ ыытар. Өрөспүүбүлүкэ борокуруора Сергей Дябкин …
Итинник ааттаах СӨ бырабыыталыстыбатын быһаччы өйөбүлүнэн, иккис төгүлүн 7-тэн 17 сааһыгар диэри саастаах оскуола оҕолоругар…
Нерюнгри куоракка оҕолор "маассабай" сүһүрүүлэрэ таҕыста диэн иһитиннэрии бүгүн сарсыарда социальнай ситимнэринэн, мессенджердэринэн тарҕанна. СӨ…