Хаартыска: sakha.gov.ru ылылынна
Арассыыйа Бэрэсидьиэнэ Владимир Путин көҕүлээбит «Култуура» национальнай бырайыагынан, Бүлүү улууһугар Тыымпыга 2024 сыл олунньу ыйыгар элбэх хайысхалаах култуура киинэ үлэҕэ киириэ.
Уопсайа 836,93 кв.м. иэннээх тутуу 2022 сыллаахха кулун тутартан саҕаламмыт, бу ахсынньыга түмүктэннэ. Үбүлээһин кээмэйэ 160 мөл. солк.
Биир мэндиэмэннээх таас дьиэҕэ 150 киһи олорор саалалаах, үҥкүүлүүр саала, тэрилинэн хааччыллыбат гримнэнэр хостор, миэбэл баар. Манна Иннокентий Афанасьевич Боронов бюһун туруоруохтара. Маны сэргэ, бибилэтиэкэ киирэр.
Нэһилиэк баһылыга Акимара Михайлова бэлиэтииринэн, «Култуура» национальнай бырайыак баар буолан, дьон-сэргэ сынньанарын таһынан араас куруһуоктарга дьарыктанарыгар, ыраах баар нэһилиэнньэлээх пууннарга култуура дьиэлэрэ тутуллаллар.
Манна даҕаттахха, национальнай бырайыагынан Сунтаар улууһугар Кэмпэндээйигэ Култуура дьиэтэ киириэхтээх. Үүнэр сылга өссө Чурапчы улууһугар Толооҥҥо, Сунтаарга Кириэстээххэ, Аллараа Бэстээххэ култуура эбийиэктэрин тутуулара түмүктэниэхтээхтэр.
Санатан эттэххэ, «Култуура» национальнай бырайыак 2019 сыллаахха саҕаламмыта. Бу кэм устатыгар Саха сиригэр национальнай бырайыак иитинэн 45 култуура эбийиэгэ үлэҕэ киллэрилиннэ, 139 кулууп материальнай-тэхиниичэскэй баазата тупсарылынна, 19 култуура тэрилтэтигэр хапытаалынай өрөмүөн ыытылынна, 14 модельнай бибилэтиэкэ тэрилиннэ, оҕо ускуустубатын 18 оскуолата үстүрүмүөнүнэн хааччылынна.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…