Түүн -40С кыраадыска диэри тымныйарын сабаҕалыыллар

Саха сиригэр -40С кыраадыска тиийэ тымныйыа.

Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн -35… -40 кыраадыска диэри тымныйыа. Түүнүн киин улуустарга салгын температурата -15… -20, соҕуруулуу-арҕаа — -5… -10, илин — -19… -24, хотугулуу-илин — -27… -32, оттон намтал сирдэринэн -35… -40 кыраадыска диэри түһүөҕэ. Күнүһүн киин улуустарга салгын температурата быдан сылаас буолуо — -8… -13 кыраадыс. Соҕуруулуу-арҕаа улуустарга сылаас күн-дьыл туруоҕа, күнүһүн -2… -7. Хотугулуу-илин тымныы буолуо — -20… -25 кыраадыска диэри. Чэппиэргэ арҕаа, соҕуруулуу-арҕаа уонна соҕуруу улуустарга кыралаан хаар түһэрэ сабаҕаланар.