Түүн маҕаһыыны халаатылар

ИДьМ пресс-сулууспата  иһитиннэрбитинэн, Дьокуускайга эр киһи интэриниэтинэн сакаастанар табаардардаах маҕаһыыны халаабыт.

Бу туһунан маҕаһыын менеджерэ ИДьМ 2№-дээх полиция салаатыгар үҥсүбүт. Уоруу уопсай хоромньута 38 тыһ.солк. тэҥнэспит. Суһал көрдөөһүн үлэтин түмүгүнэн Иркутскай уобалас 37 саастаах олохтооҕо тутуллубут.  Онно биллибитинэн, уорбаланааччы түүн маҕаһыын аанын өстүөкүлэтин алдьатан киирбит уонна дьон сакаастаабыт табаардарын, ону сэргэ үлэһиттэр туттар инструменнарын уорбут.

Арассыыйа Федерациятын Холуобунай Кодексатын 158  ыст. 2 ч. «Уоруу» диэнинэн холуобунай дьыала тэриллибит.