Хаартыска: СИА
Дьокуускайга түүн мотуордарын соруйан улаханнык бирилэтэн айанныыр суоппардары, матассыыкыллаах дьону эппиэтинэскэ тардыахтара. Маннык түгэҥҥэ миэрэ ылар туһунан сорудаҕы куорат баһылыга Евгений Григорьев уокуруктар мунньахтарыгар ГИБДД салайааччытыгар биэрдэ диэн СИА суруйар.
Чахчы, дрифтердар дэнэр суоппардар, матассыыкылы ыытааччылар мотуордарын соруйан улаханнык бээҕинэтэ-бээҕинэтэ, эрийэ-буруйа айанныыллар, эргийэллэр-хайыыллар. Утуйа сытар дьоҥҥо мэһэйдииллэр. Евгений Григорьев бэлиэтээбитинэн, социальнай ситимнэргэ тарҕаммыт видеоҕа бу быраабыланы кэһээччилэр тимир көлөлөрүгэр судаарыстыбаннай регистрационнай бэлиэлэр көстөллөр.
— Бу суол быраабылаларын кэһии буолар, ол иһигэр, утары иһэр массыыналарга анаммыт балаһаҕа тахсыбыттар. Онон буруйдаахтары булан, ыстарааптыыргытыгар көрдөһөбүн, — диэн кини эттэ.
Ону тэҥэ, Ленин проспегар парковка быраабылатын кэһэр суоппардары кытта эмиэ сэрэтэр үлэни ыыталларыгар сорудахтаата.
Сокуон быһыытынан, элбэх кыбартыыралаах дьиэҕэ түүнүн айдаарар, муусуканы улаханнык холбуур бобуллар, ыстарааптыахтарын сөп. Оттон түүн соруйан бээҕинэтэр суоппардар дьон утуйар уутун аймыыллар, бэрээдэги кэһэллэр буолбатах дуо? Ыстараап да буолбатар, ГИБДД үлэһиттэрэ кинилэри тохтотуохтарын, бэрээдэктиэхтэрин сөп этэ. Чэ, ол эрээри, сайыммыт да бүттэ, тымныыга, халтарааҥҥа бээҕинэтэр дьон онто да суох аҕыйыыр буолуохтаахтар.
2026 сылга Саха сиригэр социальнай төлөбүрдэр 6%-нан улаатыахтара, индексация 182 тыһыынчаттан тахса киһиэхэ оҥоһуллуоҕа. Бу…
1921 сыл ахсынньы 28 күнүгэр сахалыы тыллаах “Манчаары” бастакы судаарыстыбаннай хаһыат тахсыбыта. Хаһыат бастакы нүөмэригэр…
Саха сиринээҕи Силиэстийэлиир кэмитиэтэ Өлүөнэ өрүскэ буолбут алдьархайынан — «куттал суох буолуутун ирдэбиллэригэр эппиэттээбэт өҥөнү…
Бүгүн - баскыһыанньа, сыл бүтэһик сынньалаҥ күнэ. Бу күн ураты истиҥ, чуумпу эйгэлээх буолан, сулустар…
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…