Хаартыска урукку видеоттан ылыллыбыт хаартыска (архыып)
Саха сириттэн сылдьар Арассыыйа байыаһын уонна ВСУ саллаатын кытаанах киирсиилэрин туһунан Арассыыйа военкордарын Telegram-ханаалларыгар түргэнник тарҕаммытын туһунан АИФ суруллар.
Утарылаһааччы байыас илдьэ сылдьыбыт камератыгар, тыыннаах хаалар туһугар тыын-тыыҥҥа харбаһар кытаанах хапсыһыы аҕыс мүнүүтэ устатыгар уһуллан хаалбыт. Онно ытыалаһыылаах, граната кыыратыылаах, быһаҕынан киирсиилээх, бэл, тииһинэн кытары хадьырыйсыылаах ынырыктаах киирсии уһуллубутун туһунан суруллар. Утарылаһааччы орто дойдуттан бараары сытан, саха байыаһын туохтан да толлубат хорсун-хоодуот, самныбат саргылаах саллаат диэн билиммит. Уһуллубут видеоны военкордар 18+ диэн бэлиэтээбиттэр. Иэдээннээх хапсыһыыттан тыыннаах ордубут Саха сирин байыаһа көстүбүт, кини билигин эмтэнэ сытар диэн суруйаллар.
Урусхалламмыт нэһилиэнньэлээх пуунунан иһэр ВСУ саллаата биир дьиэни көрөн, бэрэбиэркэлээн баран, атын дьиэҕэ баран эрэрин туһунан рациянан этэриттэн видео саҕаламмыт. Каадырга аптамааттаах сылдьара көстүбүт. Үөмэн биир кэтэх дьиэ күрүөтүгэр чугаһаабыт кэмигэр, түннүктэн эмискэ тиҥиргэччи ыталлар.
ВСУ саллаата хаһыыты түһээт охтор уонна утары ытыалыыр. Гранатаны ылан иһирдьэ кыыратар эрээри, ити кэмҥэ таһырдьа ыстанан тахсыбыт Арассыыйа байыаһын кытары уун-утары харса түһэллэр. Байыастар киирсиилэрин кэмигэр каадырга Саха сирин былааҕын санатар бэлиэ элэс көстөн ааспыт. Дьэ, ити курдук хабыр хапсыһыыга ВСУ саллаатын быһаҕын хорсун байыас сыгынньах илиитинэн биититтэн харбаан ылаат, утарылаһааччытын тарбахтарыгар тииһинэн түспүт.
Бу уһуллубут видео тарҕаммытын кэнниттэн, Арассыыйа военкордара бу байыас буолуон сөп диэн Саха сирин байыаһын хаартыскатын бэчээккэ таһаарбыттарын АИФ бэлиэтиир. Телеведущай Руслан Осташко иһитиннэрбитинэн, билигин байыас госпитальга эмтэнэ сытар диэн суруллар.
https://t.me/wargonzo/24091
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…