Быйыл, 2023 сыл олунньу 23 күнүгэр – Аҕа дойдуну көмүскээччи күнүгэр – Аҕа дойду Улуу сэриитин устуоруйатыгар ыар өйдөбүлү хаалларбыт Ильмень күөллээҕи кыргыһыы буолбута 80 сыла туолар.
80 сыл анараа өттүгэр, олунньу 23 күнүгэр 19-с туспа хайыһар биригээдэтин түөрт тус-туспа биригээдэтин састаабыгар киирсэн 597 Саха сирин буойуна Ильмень күөлү туораары халлаантан үлтү буомбалааһыҥҥа, утары кытылтан бүлүмүөт-миномет суоһарыылаах уотугар киирэн биэрбитэ. Күн киэһэриитэ 19-с туспа хайыһар биригээдэтэ сэриилэһэр дьонун уопсай ахсаанын 30-ча % сүтэрбитэ.
Ильмень күөлгэ кыргыһыы кулун тутар 10 күнүгэр диэри салҕаммыта. 19-с биригээдэ аһара улахан сүтүктэнэн, бойобуой чаас быһыытынан үрэллибитэ. Хаалбыт тобох дьоно 150-с стрелковай дивизияҕа холбонон, сэриини Берлиҥҥэ Кыайыы көтөллөөх түмүктээбиттэрэ. Ильмень күөллээҕи кыргыһыыга 200-тэн тахса Саха сирин буойуна Ийэ дойдуларын көҥүлүн иһин сырдык тыынын толук уурбута. Элбэх буойун сураҕа суох сүппүтэ, бааһырбыта.
Норуокка сэрии уоттаах толоонугар охтубут буойуннар дууһалара туруйа кыыл буолан мэҥэ халлааҥҥа дайаллар, кутурҕан ырыатын турууктууллар диэн өйдөбүл баар. Ол да иһин, урукку Сэбиэскэй Сойуус куораттарыгар Аҕа дойду Улуу сэриитигэр охтубут буойуннар Мэҥэ бэлиэлэринэн көтөн иһэр туруйалары оҥороллор. Биир оннук мемориал биһиги Дьокуускайбытыгар оҥоһуллубута.
Бүгүн, Аҕа дойдуну көмүскээччи күнүгэр, Ильмень күөллээҕи трагедия 80 сылынан, үгэс курдук өрөспүүбүлүкэ салалтата, уопсастыбаннас, ытык бэтэрээннэр, куорат олохтоохторо Мэҥэ бэлиэҕэ харааста мустуохтара. Ийэ дойдуларын көҥүлүн иһин сырдык тыыннарын толук уурбут буойуннары кэриэстээн нөрүөн нөргүйүөхтэрэ.
Үрдүбүтүгэр ыраас, эйэлээх халлаан хайдахтаах ыар сыананан сандаарыйара ситиһиллибитин кэлэр көлүөнэлэрбит билэллэрин инниттэн устуоруйа кырдьыгын тилиннэриэхтээхпит, чөлүгэр түһэриэхтээхпит. Ол буолар биһиги, тыыннаахтар, ытык иэспит!
Иван КСЕНОФОНТОВ.
Орто Халыма улууһун Хатыҥнаах нэһилиэгин олохтоохторо, төһө да хаар уулла илик буоллар, бүгүҥҥү бырааһынньыктарын "Дорообо,…
Бүгүн Горнай улууһун Бэрдьигэстээҕэр Эйэ, Үлэ, Маай бырааһынньыгын күнүгэр үлэ кэлэктииптэрин икки ардыларыгар үлэ күрэҕэ…
Бүгүн, ыам ыйын 1 күнүгэр, киин куоракка "Дорообо, Күөх Маай!" диэн бырааһынньыктааҕы үөрүүлээх тэрээһиннэр буола…
Ыам ыйын 15 күнүттэн Арассыыйаҕа саҥа сокуон олоххо киириэҕэ. Ол курдук, сураҕа суох сүппүт дьон…
Муус устар 27-28 күннэригэр Калининградка 15 саастарыгар диэри саастаах дзюдоистарга Арассыыйаҕа бастыыр иһин күрэхтэһии ыытылынна.…
Ил Дархан Айсен Николаев сорудаҕынан, "Бочуоттаах настаабынньык" диэн судаарыстыбаннай наҕараада олохтонно. Үлэ, социальнай сайдыы министиэристибэтэ…