Түүннэри уулуссаҕа, араас кулууптарга сылдьар оҕолор элбээтилэр

ИДьМ пресс-сулууспата иһитиннэрбитинэн, сааһын ситэ илик оҕолор дьыалаларынан дьарыктанар салаа үлэһиттэрэ  өрөспүүбүлүкэҕэ    суһал-сэрэтэр үлэни тэрийдилэр.

Кинилэр түүн ыччат хото мустар сирдэрин кэрийтэлээбиттэр. Ол курдук, үлэһиттэр 755 ыччат мустуон сөптөөх сирдэригэр сылдьыбыттар. Ол иһигэр  71  сынньатар-аралдьытар кулуубу, 16 көмпүүтэринэй кулуубу,  сэттэ вокзалы, 16 аэропорду, 352 тиэхиньиичэскэй этээһи, подвалы, быраҕыллыбыт дьиэни-уоту о.д.а сирдэри көрбүттэр. Ол түмүгэр, уопсайа сааһын ситэ илик 38 оҕону туппуттар. Олортон түөрдэ социальнай-чөлгө түһэрэр кииҥҥэ ыытыллыбыттар. Биир оҕоҕо психиатр көмөтө наада буолбут. Уопсайа 316 сэрэтии, ол иһигэр  159 сэрэтии эппиэтинэһэ суох төрөппүттэргэ оҥоһуллубут. Уопсайа 48 административнай быраабы кэһии оҥоһуллубут. Онтон 24 төрөппүт РФ административнай быраабы кэһии 5.35 ыст 1 ч. эппиэтинэскэ тардыллыбыт  диэн ИДьМ пресс-сулууспата иһитиннэрэр.