Түүҥҥү кулууп таһыгар тахсыбыт иирсээнинэн бэрэбиэркэ ыытыллар

Бүгүн социальнай ситимнэринэн Дьокуускай куоракка  түүҥҥү кулууп таһыгар  биир эр киһини охторон баран хас да буолан тэбиэлиир, охсуолуур видеолара тарҕанна.

Ис дьыала министиэристибэтин Дьокуускайдааҕы салаатын пресс-сулууспата иһитиннэрбитинэн, атырдьах ыйын  21 күнүгэр сарсыарда 7 чаас саҕана  3 нүөмэрдээх полиция отделын дьуһуурунай чааһыгар, Дзержинскэй уулуссаҕа баар түүҥҥү кулууп таһыгар эр киһини эчэппиттэрин  туһунан иһитиннэрии киирбит.  Билигин туһааннаах быһылаанынан бэрэбиэркэ ыытыллар.