Түүҥҥү кулуупка 30 саастаах эр киһи сыаналаах төлөпүөнү уорбут

ИДьМ сулууспатын Дьокуускайдааҕы 3№-дээх полиция отделын дьуһуурунай чааһыгар олохтоох киһиттэн суотабай төлөпүөнэ уоруллубутун туһунан сайабылыанньа суруйбут.

Эмсэҕэлээччи этэринэн, Бестужев-Марлинскай уулуссаҕа баар түүҥҥү кулууптан 125 тыһ. солк. сыаналаах төлөпүөнүн уорбуттар. ИДьМ пресс-сулууспатын иһитиннэриитинэн, ыытыллыбыт суһал-ирдиир тэрээһиннэринэн буруйдаах Нам улууһуттан төрүттээх 30 саастаах эр киһи буолара биллибит.

Силиэстийэ быһаарыытынан, уорбаланааччы түүҥҥү кулуупка сылдьан, барнай стойкаҕа көрүүтэ-истиитэ суох суотабай төлөпүөн сытарын бэлиэтии көрбүт. Ким да көрбөтүнэн туһунан, эр киһи смартфону уорбут. Сарсыныгар SIM-каартатын уһулан бырахпыт уонна бэйэтэ туһанаары төлөпүөн настройкатын собуоттан тахсыбыт туругар төннөрбүт.

РФ Холуобунай Кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ. Эр киһи 5 сылга диэри көҥүлэ быһыллыан сөп.