Түүҥҥү кулуупка бытыылканан төбөҕө охсубут дьахтары туттулар

Дьокуускай куорат биир түүҥҥү баарыгар эр киһини этин-сиинин эчэппиттэрин туһунан полицияҕа иһитиннэрии киирбит. Участковайдар бэрэбиэркэлэрин түмүгэр, иирсээн кэмигэр дьахтар эр киһини бытыылканан төбөҕө охсубутун быһаарбыттар.

Полиция үлэһиттэрэ уорбаланааччы ким буоларын уонна ханна баарын быһаардылар.  Горнай улууһуттан төрүттээх 28 саастаах дьахтар буолара билиннэ. Силиэстийэҕэ быһаарыллыбытынан, түүҥҥү күүлэй тэрилтэтигэр эмсэҕэлээбит эр киһи дьахтары кытта билсиэх баҕаран, аккаас ылбытын үрдүнэн, салгыы туруорсубут. Онц таһынан олус куһаҕаннык быдьар тылынан саҥарбытыгар, дьахтар иирсээн кэмигэр эр киһини бытыылканан төбөҕө охсубут. Эмсэҕэлээччигэ суһал көмө ыҥырыллыбыт.

Билигин уорбаланааччы дьахтарга РФ Холуобунай кодексатын 115-с ыстатыйатын 2-с чааһынан («Соруйан доруобуйаҕа чэпчэки эчэйиини оҥоруу») холуобунай дьыала тэрилиннэ. Бу ыстатыйа икки сылга диэри көҥүлү быһыыны эбэтэр атын эппиэтинэһи олохтуур. Уорбаланааччы ханна да барбат туһунан илии баттааһыннаах сылдьар, диэн ИДьМ пресс-сулууспата иһитиннэрэр.