Түүҥҥү кулуупка көрдөбүлгэ сылдьыбыт дьахтары туппуттар

Ааспыт нэдиэлэҕэ Росгвардия пультугар Дьокуускай куорат биир түүҥҥү баарыттан суһал сигнал киирбит.

Миэстэтигэр Росгвардия үлэһиттэрэ өйүн сүтэрбит дьахтары булбуттар. Суһал көмө биригээдэтэ кэлэн дьахтары өйүгэр киллэрбит, дьахтар балыыһаланартан аккаастаммыт. Бу туһунан Росгвардия пресс-сулууспата суруйар.

Ол эрээри, бэрэбиэркэ түмүгүнэн, дьахтар бу сыл тохсунньутуттан дознания уорганнарыттан күрэнэ уонна көрдөбүлгэ сылдьыбыта быһаарыллыбыт. Дьахтары тутан, салгыы силиэстийэни ыытарга полиция отделыгар илдьибиттэр.