УАЗ массыына Бүлүү улууһугар муус анныгар түспүтэ билиннэ

Бүгүн социальнай ситимнэринэн  хайа эрэ улууска муус анныгар массыына түспүт хаартыската тарҕанан, үгүс дьон айманна.

Госавтоинспекция үлэһиттэрэ барыллаан быһаарбыттарынан, быһылаан  Бүлүү улууһугар  Морхон күөлгэ тахсыбыт. Бу улуус кииниттэн  8 км сиргэ баар күөл.

Ол курдук, сэтинньи  13 күнүгэр   1976 сыллаах төрүөх эр киһи  УАЗ Хантер массыынанан Морхон күөл устун айаннаабыт. Муус ситэ халыҥыы илик буолан, массыына муус анныгар түспүт. Эр киһи тута массыынатыттан тахса охсон быыһаммыт.

Туһааннаах быһылаанынан ким да эчэйбэтэх.