СӨ Судаарыстыбаннай Мунньаҕын (Ил Түмэн) алтыс ыҥырыылаах түөрт уонус уочараттаах пленарнай мунньаҕар биир мөккүһүүлээх боппуруоһунан 494-6 №-дээх «Элбэх кыбартыыралаах олорор дьиэҕэ убаҕас бытовой тобоҕу таһар тэрилтэлэргэ судаарыстыбаннай көмө туһунан» сокуон бырайыага буолла.
Бу сокуон бырайыагын СӨ Бырабыыталыстыбата киллэрбит. Сүрүн иһитиннэриини СӨ Сыана бэлиитикэтигэр кэмитиэтин бэрэссэдээтэлэ Антонина Винокурова оҥордо. Норуот дьокутааттара Любовь Явловская, Александр Жирков, Виктор Губарев, Гаврил Алексеев бу боппуруоска санааларын үллэһиннилэр. Чуолаан, Александр Жирков тыа сиригэр эмиэ үлэлиир мэхэньиисим наадатын, билигин дэриэбинэлэргэ чааһынай дьиэлэр үксүлэрэ киин ититэр ситимҥэ холбоммуттарынан сибээстээн, ону эмиэ киллэрэр сөптөөҕүн туһунан эттэ.
Оттон Гаврил Алексеев убаҕас бытовой тобоҕу таһыыга судаарыстыбаннай көмөнү субсидия быһыытынан буолбакка, биирдиилээн аадырыстаммыт субсидия быһыытынан оҥорор ордук диэн быһаарда.
Тоҕо итинник мөккүөр таҕыста диир буоллахха, урут бу боппуруос олох-дьаһах өҥөтүгэр киирэр буолан, ырыынак сыһыаннаһыытын мэхэньиисимэ үлэлииринэн, ханнык да нуорманан бэрээдэктэммэт эбит. Бу убаҕас тобоҕу таһыыга Саха сирин олохтоохторо өҥө иһин төлөбүрдэрин улаатыннарбат сыалтан Ил Дархан Айсен Николаев бэрээдэктиир туһунан тус сорудаҕынан оҥоһуллубут сокуон бырайыага буолар.
Сокуон бырайыага бастакы ааҕыыны ааста. Көннөрүүлэр киллэриллэн, быйыл сэтинньи 25 күнүгэр буолар пленарнай мунньахха көрүллэрэ быһаарылынна.
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…
Аркадий Новиков төрүттээбит “Көөчөөн көрө” мини тыйаатырын салайааччыта, СӨ култууратын үтүөлээх үлэһитэ Анна Охлопкова айар…
Мэҥэ Хаҥалас улууһугар байыаннай дьайыы бэтэрээнэ Айнар Слепцов парикмахерскай солуонун үөрүүлээх быһыыга-майгыга арыйда. Бу туһунан…