Убаһа этин уорбут дьону туттулар дуо?

Бу иннинэ суруллубутун курдук, Амма улууһугар «Табалаах» сүөһүнү тутар комплекска уоруйахтар киирэн эти кыбынан тахсыбыттар.

Барыта алта аҥаар астаммыт убаһа этэ уонна 18 убаһа быара сүппүт. Эт барыта “Амма” тыа хаhаайыстыбатын потребительскай кээпэрэтиибин киэнэ, тэрилтэ тахсыбыт хоромньуну 700 тыһыынча солкуобайга сыаналаабыт. “Амма” ТХПК салайааччыта Айыысиэн Черноградскай этэринэн, сүтүктэрэ билигин даҕаны көстө илик:

— Эрдэ бу курдук түктэри быһыыланыыга түбэһэ илигим. Билигин полицияҕа сайабылыанньа суруйдум, уоруллубут көстөрө буоллар диэн  баҕарабын. Мантан атыны эбэн этэр кыаҕым суох, быраабы араҥаччылыыр дьон үлэлииллэр.