Дьокуускайга лүөччүктэр училищеларын саҥа үөрэнэр куорпуһун уонна уопсай дьиэтин тутуохтара. Оччотугар устудьуон ахсаана 450-ҥа диэри эбиллиэҕэ. Билигин 300 устудьуон баар, ааспыт үйэ 70-с сылларыгар тутуллубут эргэ дьиэҕэ үөрэнэллэр.
Саҥа дьиэни тутарга федеральнай бүддьүөттэн 1,4 миллиард солкуобай көрүллүөҕэ. Онон Новопортовской кыбаарталга саҥа куорпустар тутуллуохтаах былаһааккаларын Айсен Николаев тиийэн көрдө-иһиттэ.
В.И. Гришуков аатынан Дьокуускайдааҕы авиационнай техническэй училище Санкт-Петербурдааҕы судаарыстыбаннай гражданскай авиация университетын филиала буолар. Дириэктэр Павел Прокопьев этэринэн, үөрэнэр куорпуһу, уопсай дьиэни, физкультурнай-чэбдигирдэр уонна тренажернай куорпустары тутуу Федеральнай үрдүк үөрэх кыһаларын сайыннарар стратегия чэрчитинэн ыытыллыахтаах.
— Биһиги училищебытыгар үөрэниэхтэрин баҕалаахтар элбэхтэр. Өрөспүүбүлүкэ тас өттүттэн эмиэ кэлэн үөрэнэллэр. Летчиктары да, техниктэри да бэлэмниибит. Дьиэбит олус эргэрдэ, саҥа ирдэбиллэргэ эппиэттээбэт, уопсай дьиэҕэ миэстэ тиийбэт. 2023-25 сылларга үөрэнэр куорпуһу, уопсай дьиэни, спортивнай сааланы тутар былааннаахпыт. Оччотугар устудьуоммут ахсаана 450-ҥа диэри эбиллиэҕэ, — диэн кини кэпсээтэ.
Айсен Николаев тустаах министиэристибэлэргэ, куорат дьаһалтатыгар бу тутуу барыахтаах сиригэр баар, саахалланар туруктаах дьиэлэри көһөрөргө анал бырагыраама оҥорон, түргэтэтэргэ сорудахтаата. Тутуу барыахтаах сирин иэнэ – 42 тыһыынча кв.м.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…