Хаартыска: Reuters
Саха сиригэр Баатаҕай кратера ууллан, кэнники өссө эбии улааппытын бэлиэтээтилэр. Ол курдук, өрөспүүбүлүкэҕэ ирбэт тоҥ кратера сыл ахсын 12 миэтэрэ кэҥиир.
Бу дьайыыны хайдах да гынан тохтотор кыах суох. Москватааҕы судаарыстыбаннай үнүстүүт, Мельников аатынан РАН Ирбэт тоҥу үөрэтэр үнүстүүт учуонайдара уонна Германияттан биир идэлээхтэрэ этэллэринэн, бу көстүү ирбэт тоҥ түргэн тэтимнээх ириитин төрүөтүттэн тахсар. Билигин Баатаҕай кратерын кэтитэ 990 миэтэрэҕэ тиийдэ, ол эбэтэр кэнники уон сылга 200 миэтэрэ улааппыт. Учуонайдар сотору кэминэн кратер кэтитэ муҥутуур кээмэйигэр тиийиэҕэ дииллэр.
Уонна 10-15 сылынан кратер кытылын буора, сирэ (почвата) иһигэр түһүөн сөптөөҕүн сабаҕалыыллар.
Баатаҕайга кратер ууллуутун сүрүн төрүөтэ – тыаны кэрдээһин уонна бэлэмнэммит маһы таһар суол баар буолуута. Тыа кэрдиллэн тахсыбыт аһаҕас сир итийэн, суол устун уу сүүрэн барбыт, онтон салгыы улахан сиҥнии буолан тахсыбыт.
Баатаҕай кратера Саха сиригэр Үөһээ Дьааҥы улууһугар Баатаҕай бөһүөлэгиттэн 10 км ыраах тэйиччи сытар.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…