Хаартыска: PxHere саайтан.
Microbiome сурунаалга бэчээттэммит саҥа чинчийии көрдөрбүтүнэн, күҥҥэ биир апельсины сиир буоллахха, депрессиялыыр куттал аччыыр.
Учуонайдар маны цитрусовай фрукталар киһи оһоҕоһугар баар Faecalibacterium prausnitzii (F. prausnitzii) бактерияны үүннэрэллэрин кытта ситимнииллэр. Бу бактериялар үчүгэйдэрэ диэн үөрүү гормоннарынан ааттанар серотонин уонна дофамин оҥоһуллууларыгар быһаччы дьайаллар. Ону таһынан билигин оһоҕос уонна мэйии ыкса ситимнээхтэрин туһунан элбэхтик этэр буоллулар.
Бу чинчийиигэ 10000 дьахтар кыттыбыт, кинилэр уһун кэм устатыгар икки сылга биирдэ олохторун-дьаһахтарын, аһылыктарын уонна эмтэрин туһунан информацияны биэрэ олорбуттар.
Дьэ, онно апельсиннар атын фрукталарга холоотоххо саамай улахан дьайыылаахтарын көрдөрбүттэр. Билигин исписэлиистэр бу арыйыы сэрэтэр миэрэлэргэ киириэн сөбүн бэлиэтииллэр. Ол гынан баран, салгыы чинчийии ирдэнэр.
Цитрусовай фрукталар, ордук апельсиннар, битэмииннэринэн уонна микроэлеменнарынан баайдар. Уонна кинилэр сүрүн үчүгэй өрүттэрэ диэн, гликемическэй индекстара наһаа үрдүк буолбатах, 35 эрэ буолар, диэн “Мединцентр” клиническэй диагностическай киин эндокринолога Елена Губкина кэпсээтэ. Онон диабекка эмиэ туттуллуон сөп. Ол эрээри сөптөөх кээмэй иһигэр. Күҥҥэ 300 граммтан элбэх көҥүллэммэт эбэтэр күҥҥэ биирдэ сиир өссө ордук.
Эспиэрдэр апельсиҥҥа аҕыйаҕа суох саахар баарын бэлиэтииллэр, араас дааннайдар этэллэринэн, биир фруктаҕа 10-тан 17 граммҥа диэри баар. Уонна калорията 80 ккал кэриҥэ. Онон быһыыларын-таһааларын көрүнэр дьон маны учуоттуохтарын наада. Ону кытта апельсиҥҥа саахар араас көрүҥэ баар, олор эти-сиини эниэргийэнэн толороллор уонна хааҥҥа саахар эмискэ түһэрин-тахсарын таһаарбаттар.
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…