Хаартыска: СИА.
Учуонайдар Сунтаар улууһугар булуллубут истиэп бизонун уҥуоҕун радиоуглероднай анаалыһынан чинчийэн, сааһын быһаарыахтара. Сунтаарга палеонтологтар эспэдииссийэлэрэ айанныаҕа. Бу туһунан Саха сирин Наукааларын академиятын сэлии фаунатын чинчийэр салаа научнай үлэһитэ Станислав Колесов ТАСС ааҕыныстыбаҕа кэпсээтэ.
— Сунтаар улууһугар бизон чөмчөкөтө 2024 сыл сэтинньитигэр көстүбүтэ. Биһиги 25 тыһыынча сыллааҕыта олоро сылдьыбыт кыыл буолуо диэн сабаҕалыыбыт. 2025 сылга радиоуглероднай анаалыс ыытыллыаҕа, морфометрическэй көрдөрүүтүн хомуйуохпут. Бу булумньу уҥуоҕа чөл хараллыбытын, тииһэ, муоһа баарынан ордук сыаналаах. Урут булуллубут чөмчөкөлөр алдьаммыт, сүүһэ эрэ хаалбыт, тииһэ суох буолааччылар, — диэн кини кэпсээтэ.
Бу уҥуоҕу Сунтаар сэлиэнньэтиттэн 6 килэмиэтирдээх сиргэ тыраахтарынан үлэлии сылдьан, муоһа хоройо сытарын алҕас булбуттара. Сүөһү уҥуоҕа диэхтэрин, улахана бэрдэ, өссө куһаҕан сыттаах этэ. Онон тута учуонайдарга ыыппыттара.
Станислав Колесов этэринэн, неолит саҕанааҕы бизоннар муостара билиҥҥи Канада бизоннарынааҕар балтараа-икки төгүл улахан буолаллар эбит. Кинилэр Саха сирин бары иэнигэр тэнийэн үөскүү сылдьыбыттар.
Маны тэҥэ, Саха сиригэр кэнники кэмҥэ сайгактар уҥуохтарын, саабыла тиистээх баабыр оҕотун булбуттара кэрэхсэбиллээх. Баабыр оҕото 30 тыһыынча сыл анараа өттүгэр төрөөбүтэ биллибитэ. Уҥуоҕа эрэ буолбакка, тоҥ сиргэ этэ-сиинэ эмиэ бэркэ хараллыбыт.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…