Хаартыска: minobrnauki.sakha.gov.ru саайтан.
Бүлүү улууһугар ССРС норуотун учуутала М.А. Алексеевка аналлаах “Учуутал – эр киһи идэтэ” өрөспүүбүлүкэтээҕи идэ VI куонкуруһа буолан ааста.
Тэрээһин талааннаах эр дьон педагогу булар, кинилэри өйүүр, эр дьон педагогтар социальнай таһымнарын уонна учуутал идэтин аатын-суолун үрдэтэр соруктаах ыытыллар.
Быйыл 40 сайаапка киирбититтэн 15 улуустан 20 уопуттаах учуутал, 2 бэрэстэбиитэл Дьокуускай куораттан, 4 бэрэстэбиитэл Бүлүү улууһуттан ааста.
Кыттааччылар ортолоругар 3 арктика улууһун бэрэстэбиитэлэ (Өлөөн, Уус Маайа, Эдьигээн), ону тэҥэ, бырамыысыланнай оройуоннар (Миринэй, Алдан) бэрэстэбиитэллэрэ бааллар. Биридимиэттэринэн ыллахха үстүү информатика, устуоруйа, уопсастыба, иккилии физкултуура, ОБЖ, география учууталлара бааллар. Ону тэҥэ, технология, химия (биология), аангылыйа, нуучча, саха тылларын, муусука, Арассыыйа норуоттарын духуобунай-нравственнай култуураларын учууталлара уонна эбии үөрэхтээһин педагога кытыннылар.
Бастакы күн кыттааччылар Бүлүү куоракка уруок ыыттылар уонна маастар-кылаас көрдөрдүлэр. Иккис күн Тоһуу сэлиэнньэтигэр түмүктүүр түһүмэх буолла: “Как достичь цели: конструктор успеха” педагогическай сатабылы (лайфхак) көрдөрөр куонкурус; айар дьоҕуру көрдөрөр бэйэни билиһиннэрии; үүнэр көлүөнэни иитиигэ уонна үөрэтиигэ эр дьон учууталлар оруолларын туһунан куонкурус кыттыылаахтарын кытта мөккүөр (дискуссия).
Икки күннээх тургутуу кэнниттэн “Учуутал – эр киһи идэтэ” өрөспүүбүлүкэтээҕи куонкурус быйылгы муҥутуур кыайыылааҕынан Дьокуускай куораттааҕы Л.А. Колосова аатынан 33-с нүөмэрдээх оскуола устуоруйаҕа уонна обществознаниеҕа учуутала Баянаев Борис Ильич ааттанна.
1 истиэпэннээх лауреатынан Г.С. Донской аатынан Бүлүү 2-с нүөмэрдээх оскуолатын аангылыйа тылыгар учуутала Митясов Иван Васильевич, 2 истипэннээх лауреатынан Дьокуускай куорат 12-с нүөмэрдээх оскуолатын устуоруйаҕа уонна обществознаниеҕа учуутала Харбаев Михаил Иванович, 3 истиэпэннээх лауреатынан Горнай улууһун Кировскай оскуолатын технологияҕа, уруһуйга, черчениеҕа учуутала, дириэктэри иитэр үлэҕэ солбуйааччы Кубаров Арсен Афанасьевич буоллулар. Ону тэҥэ, 10 номинацияҕа кыайыылаахтары ааттаатылар, анал истипиэндьийэлэри, бириистэри туттардылар. Бу туһунан Үөрэх уонна билим министиэристибэтин саайтыгар сырдаталлар. Сиһилии манна ааҕыҥ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…