Хаартыска: СӨ үлэҕэ, социальнай сайдыыга министиэристибэтэ.
Тохсунньу 7 күнүгэр Мария Георгиевна Стручкова 100 сааһын туолла. Кинини 100 сааһынан үлэ, социальнай сайдыы миниистирин солбуйааччы Альбина Трубина эҕэрдэлээтэ уонна Ил Дархан аатыттан «Үйэ саас» бочуоттаах бэлиэни туттарда.
Мария Георгиевна 1924 сыллаахха Чурапчы оройуонун Мырыла сэлиэнньэтигэр төрөөбүтэ. Үйэтин-сааһын тухары учууталынан үлэлээбитэ, оҕолорго нуучча, саха тылларын үөрэппитэ.
Эдэр сылдьан Булуҥ оройуонугар баран үлэлээбитэ, онно олоҕун аргыһын Георгий Иванович Стручковы көрсөн, ыал буолбуттара. Уһуннук, дьоллоохтук олорон, 2008 сыллаахха Бриллиантовай сыбаайбаларын (60 сыл) бэлиэтээбиттэрэ. Уоллаах кыыс оҕолоро кинилэр педагогическай династияларын салгыыллар. Мария Георгиевна билигин 2 оҕолоох, 4 сиэннээх, 4 хос сиэннээх.
Кини үгүс көлүөнэ ыччаты иитэн-үөрэтэн, сырдыкка сирдээбитэ. Кини үөрэнээччилэрин истэригэр САССР үтүөлээх учуутала М.Е. Стручкова, ССРС үтүөлээх тириэньэрэ Д.П. Коркин, тыа хаһаайыстыбатын наукатын дуоктара Д.И. Сыроватскай, уо.д.а. бааллар.
Мария Георгиевна сарсыарда ахсын сэрээккэлиир, үгүстүк оҕолорун кытта таһырдьа тахсан хаамар, күүлэйдиир, Александр Пушкин хоһооннорун өйүттэн ааҕар, дьону-сэргэни, аймахтарын кытта билсэ, кэпсэтэ олорор. Кини этэринэн, уһун үйэлэнии кистэлэҥэ — дьоҥҥо аһаҕас, үтүө сыһыаннаах буолуу.
СӨ үлэҕэ, социальнай сайдыыга министиэристибэтэ.
Ханна баҕарар түмсүү элбэҕи быһаарар. Ону билэр буоланнар, дүпсүннэр (баһылык Сивцев Николай Николаевич) нэһилиэктэрин иһигэр…
Уус Алдан улууһугар Найахыга "Саллаат аартыга" ытык миэстэ СӨ Ил Дархан гранын өйөбүлүнэн саҥардылынна. Бу …
Ыам ыйыгар төрөөбүттэр. Бэлиэлэрэ - чаҕылҕан. Эр киһи Дуоспуруннаах, туохха барытыгар дьоҕурдаах, дириҥ өйдөөх, үтүө…
Владивостокка "Это у нас семейное" күөн күрэс уокуруктааҕы полуфинала саҕаланна. Манна Уһук Илин уокуругуттан дьиэ…
Өрүс барар кэмигэр айан-сырыы кутталланар. Дьиҥэ, кыра кыһалҕалаах киһи айаннаабата да ордук буолуоҕа. Ол эрээри…
Успуорка сыһыаннааҕы төһө сэргиигин? Маны билэҕин дуо? Сахалыы оонньуу, дьарык арааһын Үөһээ Дьааҥыга 1867-1876 сс.…