М.К. Аммосов аатынан ХИФУ Педагогическай институтугар Бүтүн Арассыыйатааҕы учуутал маастарыстыбатын кыайыылаахтарын: «Арассыыйа бастыҥ иитээччитэ – 2018» муҥутуур кыайыылааҕа Анастасия Шлемкону уонна «Арассыыйа бастыҥ иитээччитэ – 2020» куонкурус лауреата Светлана Тулайкинаны кытары көрсүһүү буолла.
Кинилэр «Устойчивое развитие детства в Якутии — основа будущего» өрөспүүбүлүкэтээҕи педагогическай пуорумҥа кытталлар.
РФ Бэрэсидьиэнэ В.В. Путин биллэрбит Учуутал уонна уһуйааччы сылыгар, Педагогическай институт устудьуоннара, Бүтүн Арассыыйатааҕы куонкурус кыайыылаахтарын кытары бу аан бастакы көрсүһүүлэрэ.
Бүтүн Арассыыйатааҕы учуутал маастарыстыбатын куонкуруһун кыайыылаахтарын кытары оскуола иннинэҕи үөрэх кафедратын 1-4 кууруһун устудьуоннара, ону таһынан М.К. Аммосов аатынан ХИФУ Педагогическай институтун преподавателлэрэ кытыннылар.
Куонкурус кыайыылаахтара устудьуоннары кытары көрсөллөрүгэр куонкурстарга, оройуоннааҕы, куораттааҕы диэн таһымынан көрбөккө, кыттан иһэллэригэр сүбэлээтилэр: «Маннык куонкурустарга кыттыы эһигини сайыннарыа. Идэни көрдөрөр куонкуруска кыттыннаххытына биир төбө үрдүөххүт. Хас сырыы ахсын үктэлгит үрдээн иһиэ», — диэтилэр уһуйааччылар.
Көрсүһүү түмүгэр Норуот дьокутаата Антонина Григорьева кэнэҕэски педагогтарга уонна ыччат сүбэһиттэригэр көдьүүстээх бииргэ үлэлээһини баҕарда: «Учуутал уонна уһуйааччы сылын тэрээһиннэрэ учуутал идэтин үрдэтиигэ биир сүдү хардыынан буолуо диэн эрэнэбин», — диэтэ кини.
«Куораттааҕы суол-тырааныспар сулууспата» МКУ иһитиннэрбитинэн, бүгүн, ыам ыйын 6 күнүгэр, Пасхатааҕы Кириэстээх хаамыы буоларынан сибээстээн, …
Бүгүн, ыам ыйын 6 күнүгэр, күнүс Өлүөнэ аллараа тардыытынан кыралаан ардыаҕа, Анаабырга, Булуҥҥа инчэҕэй хаар…
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…