Мария Васильева хаартыската, ЯСИА.
ЛДПР баартыйа лиидэрэ Леонид Слуцкай дойду үрдүнэн педагогтар хамнастарыгар баар араастаһыыны суох оҥорор сыалтан, учууталлар үлэлэрин төлөбүрүн биир кэлим федеральнай тиһигин тэрийэр туһунан Судаарыстыбаннай Дуумаҕа этии киллэрдэ. Бу туһунан «ЛДПР оскуола үөрэҕириитигэр тэҥэ суох буолууну утары» диэн дакылаакка этиллэр.
Леонид Слуцкай этэринэн, билиҥҥи кэмҥэ үгүс эрэгийиэҥҥэ учууталлар араас хамнастаахтар, ол кинилэри эбии ноҕурууска ылынарга күһэйэр уонна үлэттэн сылайыыга тириэрдэр.
«Эрэгийиэннэр икки ардыларыгар хамнас араастаһыыта дьиксиннэрэр. Москваҕа учуутал орто хамнаһа 143 тыһыынча солкуобайтан тахса — бу, холобур, учуутал хамнаһа 45 тыһыынча солкуобайтан арыый үрдүк Ивановскай уобаластааҕар үс төгүл элбэх», — диэн баартыйа лиидэрэ ТАСС ыыппыт дакылаатыгар суруллубут.
Докумуоҥҥа суруллубутунан, билигин педагогтары өйүүр эрэгийиэннэринэн ылыллыбыт миэрэлэр баар проблеманы быһаарбаттар, тоҕо диэтэххэ төлөбүр кээмэйэ улаханнык араастаһар.
Холобур, Краснодарскай кыраайга эдэр учуутал дьиэ атыылаһарыгар мөлүйүөн солкуобайга эрэниэн сөп, оттон Свердловскай уобаласка «Үтүөлээх учуутал» аатын иҥэриигэ биир кэмнээх төлөбүр баара-суоҕа 30 тыһыынча солкуобай буолар. Оттон Москваҕа бу төлөбүр 300 тыһыынча солкуобайга тиийэр.
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…
Кэлиҥҥи кэмҥэ оскуола оҕолоруттан саҕалаан урбаанньыттарга тиийэ бэйэ бородууксуйатын биир көрүҥэр – мыыла оҥорон таһаарыытыгар…
Бүгүн, тохсунньу 31 күнүгэр, өрөспүүбүлүкэ арҕаа, хотугулуу-илин өттүгэр кыралаан хаардыаҕа. Мантан атын оройуоннарга сөҥүү түһэрэ…
Бүгүн, Субуота күн, Сатурн планета дьайыытыгар сылдьар, ол иһин биһигиттэн тулуурдаах, дьулуурдаах буолууну уонна олоххо…