СИА хаартыската
Учууталлар төлөпүөнүнэн сибээстэһэллэригэр анал тарыып баар буолуон сөп. Маннык этиини Госдуума үөрэҕириигэ кэмитиэтин бэрэссэдээтэлин солбуйааччы Яна Лантратова киллэрдэ. Кини үөрэҕирии миниистирэ Сергей Кравцовка анал суругу суруйда диэн «Учительская газета» иһитиннэрэр.
Тарыыпка ый аайы 35 Гб интэриниэт, 500 СМС, 500 мүнүүтэ кэпсэтии босхо буолуохтаах. Мантан таһынан таһаардаҕына, төлөбүрдээх. Бу маннык анал тарыыбынан үстэн элбэх сыл ыстаастаах учууталлар туһаныахтарын сөп.
Дьокутаат этэринэн, учууталлар ый аайы оҕолору, төрөппүттэри кытта кэпсэтэллэригэр элбэх мүнүүтэни, улахан кээмэйдээх интэриниэти туһаналлар, маны барытын бэйэлэрэ төлүүллэр: 1000 солкуобайга диэри ороскуотураллар.
Маннык саҥа тарыыбы ханнык баҕарар мобильнай сибээс оператора холбуохтаах, учуутал туох да уустугу көрсүө суохтаах.
«Үлэ хаамыыта да түргэтиэ, учуутал оҕолордуун, төрөппүттэрдиин алтыһыыта бөҕөргүө, түргэн информацияны ылар кыах үөскүө диэн», — диэн дьокутаат суругар этиллэр.
Бу күннэргэ СӨ Тыатын хаһаайыстыбатын уонна аска-үөлгэ министиэристибэтин сыллааҕы үлэтин түмүктүүр тэрээһиннэр ыытылыннылар. “Үбүлээһин саҥа…
Бу үөрэнээччилэр урбаан олимпиадатыгар кыттан, 150 оҕоттон уустук сүүмэрдээһини аастылар. Олимпиадаҕа Абый, Амма, Анаабыр, Булуҥ,…
Култуура киинэ Мэҥэ Хаҥалас улууһугар Аллараа Бэстээххэ тутулла турар. Үлэ хаамыытын Саха сирин бастакы вице-премьерэ…
СӨ үбүн министиэристибэтэ "Арассыыйа - мин историям" түмэлин пуондатыгар байыаннай дьайыы эспэнээттэрин туттарда. Манна байыаннай…
Бүгүн Саха сирин бастакы вице премьерэ Дмитрий Садовников Мэҥэ Хаҥалас оройуонугар "Дьиэ-уот уонна куорат эйгэтэ"…
Киһиэхэ иэримэ дьиэтэ, сылаас уйата саамай хаххата, олоҕун биир сүрүн сорҕото буолар. Хас биирдии дьиэ…