Мария Васильева хаартыската, СИА.
Үөрэҕирии министиэристибэтэ педагогтарга үлэ чааһын нуорматын бигэргэттэ. Аны учууталларга хамнас ыстаапката нэдиэлэҕэ 18 чаастаах үөрэтэр үлэттэн көрөн ааҕыллар буолуоҕа.
«Учууталларга хамнас ыстаапкатыгар нэдиэлэҕэ 18 чаастаах үөрэтэр үлэ нуормата олохтонно», — диэн докумуоҥҥа этиллэр. Бу туһунан РИА Новости иһитиннэрэр.
Биэдэмистибэҕэ бэлиэтээбиттэринэн, үлэ кэмин уһуна дуоһунастан уонна идэ таһымыттан тутулуктаах. Ноҕурууска кээмэйэ үөрэх дьылын саҕаланыытыгар үөрэх тэрилтэтинэн сыл ахсын бигэргэниэҕэ.
Оттон атын категориялаах педагогтарга туспа нуормалар олохтоннулар. Оҕо уһуйаанын иитээччилэрэ, педагог-психологтар уонна социальнай педагогтар ыстаапка нуорматынан нэдиэлэҕэ 36 чаас үлэлиэхтэрэ, физкултуура инструктордара уонна иитээччилэр — 30 чаас, доруобуйаларынан хааччахтаах оҕолор иитээччилэрэ — 25 чаас. Учуутал-дефектологтарга уонна логопедтарга 20 чаас, оттон муусука салайааччыларыгар уонна концертмейстердэргэ — нэдиэлэҕэ 24 чаас көрүлүннэ.
Урут Үөрэҕирии министиэристибэтэ балаҕан ыйын 1 күнүттэн 1-4 кылаас үөрэнээччилэригэр үөрэх муҥутуур ноҕуруускатын олохтообута: кылааһыттан тутулуктанан, нэдиэлэҕэ 20-тэн 26 чааска диэри. 1-гы кылааска — 20-21 чаас, 2-с кылааска — 23-26 чаас, 3-с уонна 4-с кылаастарга — эмиэ 23-26 чаас.
Биэс эбэтэр алта күннээх үөрэх нэдиэлэтигэр 4 сыл иһигэр үөрэх чааһын уопсай ахсаана 2966-тан аҕыйах уонна 3305-тэн элбэх буолуо суохтаах.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…