Учууталы охсубут уонна куттаабыт эр киһиэхэ холуобунай дьыала тэрилиннэ

Дьокуускайга 39 саастаах эр киһи оскуола кабинетыгар учууталы охсубут уонна өлөрүөм диэн куттаабыт.

Кини этэринэн, учуутал кыыс оҕо бэргэһэтин устубут. Түмүгэр үөрэнээччи  кыыс төрөппүттэригэр төлөпүөнүнэн эрийэн биллэрбит.

Быһылаан бу сыл алтынньы 7 күнүгэр тахсыбыт. Саха сиринээҕи Силиэстийэлиир кэмитиэтэ холуобунай дьыала тэрийдэ.

«Сокуоннай сааһын ситэ илик кыыһын үҥсүүтүнэн эр киһи күлүгээннээн учуутал утары күүһүн туһаммыт. Учуутал санныта көҕөрбүт, төбөтүгэр кыра эчэйиини ылбыт. Итини таһынан эр киһи өлөрөр туһунан саанан, чахчы учууталы куттаабыт», – диэн Саха сиринээҕи Силиэстийэлиир кэмитиэтин салаатын салайааччытын старшай көмөлөһөөччүтэ Надежда Дворецкая иһитиннэрдэ. Икки ыстатыйанан холуобунай дьыала тэрилиннэ, диэн Саха сиринээҕи Силиэстийэлиир кэмитиэтин пресс-сулууспата иһитиннэрэр.

Видео Саха сиринээҕи Силиэстийэлиир кэмитиэтин пресс-сулууспата.