Удачнай куоракка киһи өлүүлээх суол быһылаана таҕыста

Удачнай куоракка киһи өлүүлээх суол быһылаана таҕыста.

Ол курдук, балаҕан ыйын 6 күнүгэр күнүс 15:49 чааска «ВАЗ- 2112» массыына суоппара сатыы суолу туораан иһэр эр киһини түҥнэри көппүт. Суол быһылаана Новый город түөлбэ 22№-дээх дьиэтин аттыгар тахсыбыт.

54 саастаах эмсэҕэлээбит эр киһи быһылаан тахсыбыт сиригэр тутатына өлбүт. 31 саастаах суоппар эчэйии ылбатах, курун баанан олорбут. Суоппар «В, В1, С, С1» категориялаах дастабырыанньалаах, 2012 сылтан тырааныспар ыытар ыстаастаах. Ону таһынан арыгы  испэтэтэҕэ быһаарылынна. Кини этэринэн, саахал төрүөтүнэн тырааныспар туормаһа харгыстаан, суолга кэмигэр тутатына тохтооботоҕун быһаарбыт. Дьыала матырыйааллара силиэстийэлиир уорганнарга бэрилиннилэр. Бу туһунан Мииринэйдээҕи Госавтоинспекция пресс-сулууспата суруйар.