Удачнай олохтооҕо кииринньэҥ аҕатын өлөрөн хаайыыга киирдэ

Мииринэй оройуонун Удачнай куоратын 20 саастаах олохтооҕо кииринньэҥ аҕатын өлөрөн, аҕыс сылга хаайылынна. Бу туһунан Саха сирин силиэстийэлиир кэмитиэтэ иһитиннэрэр. 

Ол курдук, 2022 сыл алтынньытыгар итирик туруктаах эр киһи 42 саастаах кииринньэҥ аҕатын кытары этиспит. Онтон быһаҕынан кинини хаста да моонньугар уонна түөһүгэр анньыбыт.

Кииринньэҥ аҕата ол эчэйиилэртэн тута миэстэтигэр өлбүт.