Удачнайга киһи өлүүлээх суол быһылааныгар буруйдаах уурааҕа уларытылынна

Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ.

Ол уурааҕынан, массыынанан киһини түҥнэри көтөн өлөрбүт буруйдаах 3 сыл болдьоххо  усулуобунайдык көҥүлэ быһыллыбыта. Бу туһунан СӨ Борокуратууратын пресс-сулууспата иһитиннэрэр.

Өрөспүүбүлүкэ Үрдүкү суута борокуруор апелляционнай ирдэбилин көрүүтүн түмүгүнэн, эр киһини 2 сыл болдьоххо холуонньа-сэлиэнньэҕэ дьиҥнээхтик көҥүлүн быһар накаастабылы анаата. Уураах сокуоннай күүһүгэр киирдэ.